ஞாயிறு, பிப்ரவரி 05, 2006

உடையார்

இம்முறை இந்தியா சென்றபோது, மும்பையிலேயே வாசம் எனக்கு. அதிகமாக பரிச்சயம் இல்லாத ஊர் என்பதாலும், எங்காவது செல்லலாம் என்று கிளம்பினால் குறைந்தபட்சம் 1 மணி நேரம் டிராபிக்கில் மாட்டி கொள்வோம் என்ற பயத்தினாலும், நண்பர்கள் யாரும் அங்கு இல்லாததாலும், வீட்டில் இருந்த புத்தககங்களை எல்லாம் எடுத்து புரட்டி பார்த்து கொண்டிருந்தேன். முன்பொரு முறை பாலகுமாரனின் 'உடையார்' குமுதத்தில் தொடராக வந்து கொண்டிருந்தது. அப்போது அதை படிக்கும் மனப்பக்குவமும் இல்லை. என் அப்பாவுடைய நண்பர் ஒருவர் 'உடையார்' பரிந்துரைத்தார். படிக்க ஆரம்பித்தேன். முதலில் பிடிக்கவில்லை. பிடிக்கவில்லை என்று சொல்வதைவிட, வித்தியாசமாக இருந்தது என்றே சொல்லவேண்டும். கல்கியின் நடையை படித்துவிட்டு, இதை படிப்பவர்களுக்கு கண்டிப்பாக முதலில் சற்று மாறுதலாக தான் இருக்கும். 'பொன்னியின் செல்வ'னின் தொடர்ச்சியாக இதை பார்க்க தோன்றும். எனக்கு அப்படிதான் இருந்தது. பிறகு, அந்த நினைப்பு இல்லாமல், இதை ஒரு தனிப்பட்ட இலக்கிய படைப்பாக ரசித்தல் வேண்டும்.

உடையார் என்பது அரசரை குறிப்பது. நாடு, மக்கள், செல்வம், வெற்றி, அழகு, பண்பு என்று அனைத்தும் உடையவனாதலால் அரசன் 'உடையார்' என்று அழைக்க படுகின்றான். இந்த படைப்பு முற்றிலும் ராஜராஜ சோழனுக்கே உரியது. ராஜராஜ சோழன் சிம்மாசனம் ஏறி 23 ஆண்டுகளுக்கு பிறகான காலகட்டத்தில் நடக்கும் சம்பவங்கள். வந்தியத்தேவனுக்கு மூட்டுவலி, குந்தவைக்கு முதுகுவலி, பொன்னியின் செல்வனுக்கு ஜலதோஷம் என்று படிக்கும்போது சற்று அதிர்ச்சியாக இருந்தது..:) எல்லோருக்கும் வயதான காலத்தில் கதை நடக்கிறது என்பதை ஒத்துக்கொள்ள எனக்கு சற்று நேரம் பிடித்தது. முக்கியமாக தஞ்சை பெரிய கோவிலின் படைப்பும், அதற்கான முயற்சிகள், அதனாலான பாதிப்புக்கள், மக்கள் வாழ்க்கை மாறுதல்கள், இவைகளை சுற்றியே கதை புனைந்திருக்கிறார். இதில் வரும் அனைத்து கதாபாத்திரங்களும் சரித்திர ஆதாரம் பெற்றவர்கள். எதுவுமே கற்பனை கிடையாது.

ஒரு கட்டிடம் கட்டுவது என்பது இந்த காலத்தில் அவ்வளவு பெரிய விஷயமில்லை. அதற்குண்டான சாமான்கள், பொருள் வசதி, ஆட்கள், அவர்களை நகர்த்த வண்டிகள், வசதியான சாலைகள், கட்டிட கணக்குகளை பார்க்க கணிணி, அளவுகளை துல்லியமாக போட்டு கொடுக்க மென்பொருள் என்று அனைத்துமே சுலபம்தான். அந்த காலத்தில் இதெல்லாம் எவ்வளவு கடினம் என்பதை அழகாக உணர்த்தியது 'உடையார்'. காவிரி பாயும், அழகிய விளைநிலங்கள் கொண்ட சமதரையான சோழ ராஜ்யத்தில் கற்கள் எப்படி கொண்டு வருவது? ஆட்கள் யாரைக்கொண்டு கோவில் கட்டுவது? எங்கு தங்க வைப்பது? ஒரு இடத்தில் கூடியிருக்கும் அவ்வளவு பெரிய ஆட்படைக்கு உணவளிப்பது எப்படி? அதனால் சமூகத்தில் எவ்விதமான மாறுதல்கள் ஏற்படும்? பொருள் கொண்டு வருவது எப்படி?

இந்த காலத்தில் இவ்வளவு வசதியிருந்தாலும், தொழில்நுட்பம் இருந்தாலும் நமக்கு தஞ்சை பெரிய கோவிலை போல ஒரு படைப்பை அமைக்க முடியவில்லையே! உலகத்தில் நம் நாட்டில் மட்டும்தான் கலாசாரம், கலை இருந்தது என்று சொல்வது முட்டாள்தனம். ப்ரான்சில் 'வெர்சாய்' அரண்மனை, லண்டனில் 'செயின்ட் பால்' என்று உலகெங்கும் மனிதன் படைப்பாளியாகத் தான் இருந்திருக்கிறான். ஆனால், ஐரோப்பா 'dark ages'ல் காட்டுமிராண்டித்தனமாக இருந்தபோது, செந்தமிழ்நாட்டில் மிக பண்புடைய, அறிவுடைய, தெய்வபக்தியும், தர்ம சிந்தனையும் உள்ள ஒரு அரசன் நெறி வழுவாமல் ஆட்சி புரிந்தான் என்பதை நினைக்கையில் பெருமையாக இருக்கிறது! :) உலகில் எத்தனையோ பெரிய அரசர்கள் இருந்தாலும், தர்மத்துக்கு தலைவணங்கி ஆட்சி செய்தவர்கள் இந்தியாவில் தான் இருந்திருக்கிறார்கள் என்றே தோன்றுகிறது. தனக்கென்று அரண்மனைகளையும், மாடமாளிகைகளையும் அமைத்துக் கொள்ளாமல், சிவனுக்கு ஆலயம் அமைத்திருக்கிறான் ராஜராஜன். செந்தமிழில் நால்வர் பொழிந்த அமுதான தேவாரப்பாடல்களை அழியாமல் மீட்டு கொடுத்து 'சிவபாதசேகரன்' என்ற பட்டம் பெற்றவன். பெளத்தமும், ஜைனமும் தலைதூக்க விடாமல் சைவமதம் தழைத்தோங்குவதற்கு அடிகோலியவன். அந்த கால தமிழர் நாகரீகமும், கலையும், பக்தியும் உலகமறியும் சின்னமாகவே தஞ்சை பெரிய கோவிலை அமைத்திருக்கிறான். முயற்சி வீண்போகவில்லை! இன்றும் கம்பீரமாக இராஜராஜன் பெயரை சொல்லி வானளாவி நிற்கிறது பெரிய கோவில்.

11 பாகங்கள் வெளிவந்திருக்கின்றன. இன்னும் இரண்டு பாகம் வரும். நிச்சயமாக ஒவ்வொரு தமிழனும் படிக்க வேண்டும். ஆவலுடன் காத்திருக்கிறேன்.

பின்குறிப்பு:

'பொன்னியின் செல்வன்' ரசிகர்களுக்கு ஆதித்த கரிகாலன் கொலைக்கு யார் காரணம், அவர்கள் என்ன ஆனார்கள், உத்தம சோழன் ஆட்சி எப்படியமைந்தது, வந்தியத்தேவன் என்னவானான் என்ற பல கேள்விகளுக்கும் பதில் இருக்கிறது..:) நீங்கள் எதிர்பார்க்காத பதிலாகக் கூட இருக்கலாம்!

15 கருத்துகள்:

யாத்ரீகன் சொன்னது…

வித்தியாசமான சிந்தனைதான்... இதுபோலவே சுஜாதாவின் நாவல் ஒன்று படித்ததாய் நியாபகம்...

ranjit kalidasan சொன்னது…

ம்ம்ம்..சுவாரஸ்யமாய் இருக்கிறது. 'உடையாரை' கண்டிப்பாய் வாங்கி உடையவராக வேண்டும்.

Maayaa சொன்னது…

interesting subha.. ketadhe illa.. if i get a cahnce i will read.. adhu sari, any idea/ any explanation how balakumaran got the info not given by kalki??

Vanjula சொன்னது…

I am a big fan of ponniyn selva. That was one of the major reasons i did not read udaiyar. Subha, where u continued, I departed. I wanst able or rather did not want to depart from kalki's style..
As for priya's doubt, I guess that kalki was on the verge of the sequel to PS before his demise. Rajendran found blueprints of a bigger novel waiting to be discovered and published some parts of it though not to great renown. "Venkaiyin Mainthan" was another account of what happens after PS. though am not sure who the author is. Makes a decent read. nowhere near PS.

Udhayakumar சொன்னது…

I am a big fan of Ponniyin selvan. I haven't read Udaiyar. I will be able to comment only after that. By the way, I am going to buy this book this week and I am going to read it.

Krishnan சொன்னது…

Hi

I am a very big fan of Kalki. I have given an URL that contains the link to almost all of Kalki's novels and short stories.

elecmusing.blogspot.com

பெயரில்லா சொன்னது…

udayar need not to mean king. it means man with possesion of something. thats why we have caste names as ahama udayar, natthham udar etc.. ahama udayar means ppl with land who do agriculture, similarly ppl who do jewels have some name ending with udayar, and pots have some name ending with udayar. The point i want drive is udayar means ppl with possesion.

பெயரில்லா சொன்னது…

'udaiyar' is mainly used to address Siva - 'udaiyAr thiru thAn thOnRIswaram udaiya nAyanAr'.

You are cordially invited to visit the archives of Agathiyar Group-

http://www.TreasureHouseOfAgathiyar.net

பெயரில்லா சொன்னது…

Ennai porthuavarai balakumaran novel nandraga vanthullathu. Naam kalkiyayum balavaiyum compare pannuvathu sari endru padavillai. Itha bala intha navalai muthalil ezuthi irunthaal kalki novel veru mathiri vimarcikka pattirukkalam.

Netru thaan 6th pagam padithu mudithaen. Konjam overdose thaan, neraiya vizhayangal kodukka muyarchi seithirukkirar.

Ennai porthuvarai, ponniyin selvan enakku rajarajan/thanjai kovil meethu katahal kolla seithathu, udayiyar innum athigapadithi irukkirathu.

Nam intha muyarchikku innum othuzhaipu kodukka muyarchikka vendumae thavira, compare panni aduthavargal muyarchiyae kedukka koodathu, ithu enathu panivana vinnappam

mariappan சொன்னது…

Thirumalai Veerasamy avargal solvathu romba sari. We should not compare one author with others. The styles are different from person to person. We should appreciate good works.

Good work.....

Magesh Kumar சொன்னது…

hi all,
i want to but udayar, i think it is from tamil puthakalayam, do they have online purchase facility of any link to the novel. i am only half finished the novel. very eager to finish it soon

பெயரில்லா சொன்னது…

உங்கள் எழுத்து நடை நன்றாக இருக்கிறது. வாழ்த்துக்கள். நீங்கள் ஏன் உங்கள் பதிவை ‘தமிழ்மணம் மற்றும் தேன்கூடு' போன்ற வலைப்பதிவு திரட்டிகளில் இணைத்துக் கொள்ளக்கூடாது? அப்படி செய்தால், உங்கள் பதிவுகள் இன்னும் நிறைய பேரை சென்றடையும் வாய்ப்புள்ளது.

-பாண்டியன்.

VTM சொன்னது…

VERY INTERSTING BLOGG IN TAMIL

VTM சொன்னது…

VERY INTERSTING BLOGG IN TAMIL

Karthik Gomahtinayagam சொன்னது…

I am searching this kind of interesting blogs...especially for the info.related to tamil history. I extremely like the blog.

It seems like you are not writing recently. I do not know what prevent you from writing but I wish you should keep writing.

I used to think that the person who reads lot they should write a comprehensive note to others who does not have opportunities like me.

Thanks